ಕರಾವಳಿ ಭಾಗದಲ್ಲಿ ಮತಾಂಧರ ಅಟ್ಟಹಾಸಕ್ಕೆ ಎದೆಯೊಡ್ಡಿ ತನ್ನದೇ ರೀತಿಯಲ್ಲಿ ತೀಕ್ಷ್ಣ ಮಾತುಗಳ ಮೂಲಕ ಎಚ್ಚರಿಕೆ ನೀಡಿದ್ದ ಹರೀಶ್‌ ಪೂಂಜಾ ಅವರು ಗೃಹ ಸಚಿವರನ್ನು ಭೇಟಿ ಮಾಡಿರುವುದರಿಂದ ಮತಾಂಧರ ಮಟ್ಟಹಾಕಲು ಪೊಲೀಸರಿಗೆ ಇನ್ನಷ್ಟು ಬಲಸಿಗಲಿದೆ ಎಂಬ ಅಭಿಪ್ರಾಯಗಳು ವ್ಯಕ್ತವಾಗುತ್ತಿದೆ.

ಕೆಲವು ಸಮಯದ ಹಿಂದೆ ಬಹಿರಂಗ ಸಭೆಯಲ್ಲಿ ಎಸ್‌ಡಿಪಿಐ ಮುಖಂಡರ ವಿರುದ್ಧ ಬೆಂಕಿಯ ಮಾತುಗಳನ್ನಾಡಿದ್ದ ಹರೀಶ್‌ ಪೂಂಜಾ ಅವರು ಸಮಾಜ ಘಾತುಕ ಶಕ್ತಿಗಳನ್ನು ಮಟ್ಟಹಾಕಲು ಪೊಲೀಸರಿಗೆ ಪೂರ್ಣ ಪ್ರಮಾಣದ ಸ್ವಾತಂತ್ರ್ಯ ನೀಡಲು ಗೃಹ ಸಚಿವರಿಗೆ ಮನವಿ ಮಾಡಿದ್ದರೆನ್ನಲಾಗಿದೆ.

ಬೆಂಗಳೂರು : ನೂತನ ಗೃಹಮಂತ್ರಿಯಾಗಿರುವ ಆರಗ ಜ್ಞಾನೇಂದ್ರ ಎಲ್ಲಾ ಸಮಯದಲ್ಲಿ ಝೀರೋ ಟ್ರಾಫಿಕ್ ಬೇಡ ಎಂದು ಹೇಳಿ ಸರಳತೆ ಮೆರೆದಿದ್ದಾರೆ.

ಮಂತ್ರಿಗಳು ಯಾವ ಕಡೆಗಾದರು ತೆರಳುತ್ತಿದ್ದಾರೆ ಎಂದರೆ ಸಾಕು ಹಲವಾರು ನಿಮಿಷಗಳ ತನಕ ಝೀರೋ ಟ್ರಾಫಿಕ್ ಏರ್ಪಡಿಸುವ ಸಲುವಾಗಿ ಕಿಲೋ ಮೀಟರ್ ಗಳವರೆಗೆ ಸಾರ್ವಜನಿಕರ ವಾಹನಗಳನ್ನು ನಿಲ್ಲಿಸುತ್ತಾರೆ. ಹಲವಾರು ಬಾರಿ ಅಂಬ್ಯುಲೆನ್ಸ್ ಗಳಿಗೂ ಸಹ ಪೋಲಿಸರು ಹೋಗಲು ಬಿಡದೆ, ಮಂತ್ರಿಗಳು ಬರುತ್ತಿದ್ದಾರೆ ಎಂದು ಹೇಳಿದ್ದುಂಟು. ಯಾವ ವೇಳೆಯಾದರು ಸರಿ, ಎಂಥಹ ಕೆಲಸವಿದ್ದರು ಸಹ ಮಂತ್ರಿಗಳಿಗೆ ಝೀರೋ ಟ್ರಾಫಿಕ್, ನಾಲ್ಕು ಭದ್ರತಾ ವಾಹನಗಳು, ಸೈರನ್​ ಇರುತ್ತದೆ.

ಇಂಥವರ ಮಧ್ಯ ಸರಳತೆ ಮೆರೆದಿರುವ ನೂತನ ಗೃಹ ಮಂತ್ರಿ ಅರಗ ಜ್ಞಾನೇಂದ್ರ ನನಗೆ ಎಲ್ಲಾ ಸಮಯದಲ್ಲೂ ಝೀರೋ ಟ್ರಾಫಿಕ್ ಬೇಡ. ನಾಲ್ಕು ಭದ್ರತಾ ವಾಹನಗಳೂ ಬೇಡ. ಅನಗತ್ಯವಾಗಿ ಸೈರನ್​ ಬಳಸೋದು ಬೇಡ. ಅಗತ್ಯವಿದ್ದಾಗ ಮಾತ್ರ ತಿಳಿಸುವೆ, ಆಗ ಕಾನ್ವೇ ಗಾಡಿ ಇರಲಿ ಎಂದು ಪೊಲೀಸ್​ ಅಧಿಕಾರಿಗಳ ಜೊತೆ ನಡೆದ ಸಭೆಯಲ್ಲಿ ಗೃಹಸಚಿವರು ಸೂಚನೆ ನೀಡಿದ್ದಾರೆ.